1 րոպեի ընթերցում
ԵՐԵՎԱՆ, 14 ԱՊՐԻԼԻ, ԱՐՄԵՆՊՐԵՍ: Աշխարհում 2014 թվականին շուրջ 350 հազար մարդ Է զոհվել արտադրության մեջ տեղի ունեցած դժբախտ պատահարների հետեւանքով, ավելի քան 2 մլն մարդ մահացել Է պրոֆեսիոնալ հիվանդություններից: Ինչպես տեղեկացնում Է «Արմենպրես»-ը, հղում անելով ՏԱՍՍ-ին, այս տվյալները հրապարակել Է Աշխատանքի միջազգային կազմակերպության գլխավոր տնօրենի քաղաքական հարցերով տեղակալ Սանդրա Պոլասկին՝ ապրիլի 14-ին Սոչիում ելույթ ունենալով աշխատանքի պահպանության առաջին համառուսաստանյան շաբաթվա շրջանակներում:
Ինչ վերաբերում Է վնասվածքներին, ապա այստեղ վիճակագրությունը, Պոլասկիի խոսքով, Էլ ավելի անմխիթարական Է. տարեկան վնասվածքներ են ստանում 330 մլն աշխատողներ, 160 միլիոնը պրոֆեսիոնալ հիվանդություններ են ձեռք բերում:
«Աշխատատեղերի անվտանգության ապահովման խնդիրը ակտուալ Է բոլոր երկրների համար, եւ աշխատանքի անվտանգության բարձրացման հարցում գլխավոր դերը պատկանում Է ոչ միայն պետությանը, այլեւ գործատուներին եւ իրենց իսկ աշխատողներին»,-ասել Է Պոլասկին: Նրա խոսքով՝ պետությունների առջեւ ծառացած Է «կանխիչ մշակույթի»՝ արտադրության մեջ դժբախտ պատահարների կանխարգելման մշակույթի ձեւավորման խնդիրը: