1 րոպեի ընթերցում
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: Մեծ Բրիտանիայի բնակչուհի Ալեքս էմերսոն-Ուայթը՝ հանդիսանալով զատիկի շոկոլադային աղանդերի համտեսող, շաբաթական ուտում է հինգ կիլոգրամ շոկոլադ:
Ինչպես հաղորդում է «Արմենպրես»-ը՝ վկայակոչելով միջազգային լրատվամիջոցները, նրա պարտականության մեջ մտնում է գնահատել շոկոլադների և տարբեր շոկոլադային ձվերի ու կոնֆետների համը, որոնք հայտնվում են խանութներում: Նա ամեն տարի վիճակագրություն է ներկայացնում՝ համեմատելով տարբեր արտադրողների արտադրանքները և նշում է փոփոխությունները:
Ալեքս Էմերսոնը ճամփորդում է աշխարհի տարբեր երկրներում՝ փնտրելով շոկոլադի լավագույն մթերքները:
Նրա խոսքով, զբաղվում է իր սիրած աշխատանքով, որտեղ գոյություն ունի բացասական կողմ. շատ բարձր է ավելորդ քաշ հավաքելու ռիսկը: Ուստի նա շաբաթական մի քանի անգամ հաճախում է մարզասրահ և զբաղվում վազքով: