1 րոպեի ընթերցում
ԵՐԵՎԱՆ, 6 ԱՊՐԻԼԻ, ԱՐՄԵՆՊՐԵՍ: Ճապոնիայի հպատակ Միեկո Նագաոկան դարձել Է մոլորակի՝ 100-ից բարձր տարիքի առաջին բնակիչը, որը կարողացել Է ազատ ոճով հաղթահարել 1,5 հազար մետր լողատարածությունը, տեղակացնում Է «Արմենպրես»-ը՝ հղում անելով ճապոնական ԶԼՄ-ներին:
«Ես ցանկանում եմ լողալ, քանի դեռ չի լրացել իմ 105 տարին. եթե կարողանամ այդքան երկար ապրել»,-ասում Է Նագաոկան:
Լողորդուհին այդ տարածությունը հաղթահարել Է 1 ժամ 16 րոպեում:
Սպասվում Է, որ այս նվաճումը կգրանցվի Գիննեսի ռեկորդների գրքում:
Ինչպես նշում Է «Ինտերֆաքս»-ը, Նագաոկան լողի մրցումներում մասնակցել Է 100-ից մինչեւ 104 տարեկանների կատեգորիայում: Դրանք անցկացվել են Ճապոնիայի Սիկոկու կղզու Էհիմե պրեֆեկտուրայում:
ԶԼՄ-ները հավելում են, որ 99 տարեկան հասակում Նագաոկան լողալով արդեն անցել Է 1,5 հազար մետր տարածությունը:
Լուսանկարը` www.20min.ch