1 րոպեի ընթերցում
ԵՐԵՎԱՆ, 12 ՄԱՐՏԻ, ԱՐՄԵՆՊՐԵՍ: Մոլորակագետներն ապացուցել են Էնցելադի՝ Սատուռնի արբանյակի վրա տաք օվկիանոսի առկայությունը: Ինչպես տեղեկացնում Է «Արմենպրես»-ը, իրենց հետազոտության արդյունքները հեղինակները հրապարակել են Nature հանդեսում, իսկ դրան հակիրճ կարելի Է ծանոթանալ New Scientist-ի կայքում:
Տակավին 2005 թվականին Cassini միջմոլորակային ավտոմատ կայանը Սատուռնի արբանյակի հարավային բեւեռում հայտնաբերել Է գեյզերներ, որոնք ջրի գոլորշի եւ սառցի մասնիկներ են արտանետում: Դա գիտնականներին թույլ Է տվել ենթադրել, որ Էնցելադի սառցակեղեւի տակ կա ջրի օվկիանոս: Հետագայում մոլորակի ծանրաչափական չափումները հաստատել են գիտնականների վարկածը:
Մասնագետները կարծում են, որ սառչի շերտի տակ 30 – 40 կիլոմետր խորության վրա գոյություն ունի մինչեւ տասը կիլոմետր խորությամբ օվկիանոս: Այդ ջրամբարի ընդերքում կան ջերմուկներ, որոնք ջուրը տաքացնում են մինչեւ Ցելսիուսի 90 աստիճան: