Եվրոպական ներդրումային բանկն էներգախնայողությանն ուղղված ծրագրեր կիրականացնի Հայաստանում

3 րոպեի ընթերցում

ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Հայաստանում շենքերի էներգաարդյունավետության բարձրացմանն ուղղված ծրագրերը քննարկելու նպատակով ՀՀ քաղաքաշինության նախարարի տեղակալ Արմեն Ղուլարյանը հանդիպել է Եվրոպական ներդրումային բանկի ներկայացուցիչների հետ: Ինչպես «Արմենպրես»-ին տեղեկացրին ՀՀ քաղաքաշինության նախարարության տեղեկատվության եւ հասարակայնության հետ կապերի բաժնից, Եվրոպական ներդրումային բանկի ներկայացուցիչները, շնորհակալություն հայտնելով ընդունելության համար, նշել են, որ բանկը Հայաստանում էներգախնայողության վերաբերյալ որոշակի ծրագրեր իրականացնելու նպատակ ունի: Խմբի ղեկավարը նշել է, որ նախկինում Հայաստանի հետ էներգաարդյունավետության կիրառման ոլորտում ունեցած որոշակի նախադեպերի հիման վրա բանկը ցանկանում է քննարկել այդ ծրագրերի շարունակականության վերաբերյալ հարցեր:

ՀՀ քաղաքաշինության նախարարի տեղակալ Արմեն Ղուլարյանը, կարևորելով խնդիրը, նշել է, որ արդեն բավական ժամանակ է ինչ ՀՀ-ում շենքերի էներգաարդյունավետության բարձրացման վերաբերյալ հարցերը գտնվում են կառավարության ուշադրության կենտրոնում` միաժամանակ ավելացնելով, որ հանրապետությունում տվյալ ոլորտում աշխատում են տարբեր միջազգային կազմակերպություններ, որոնց հետ ևս քաղաքաշինության նախարարությունը համագործակցում է:

ԵՆ բանկի ներկայացուցիչը նշել է, որ բանկը կարող է հետաքրքիր պայմաններ առաջարկել այդ ոլորտում աջակցություն ցուցաբերելու համար: Մասնագետները ներկայացրել են էներգաարդյունավետության ոլորտում Հայաստանի կարգավիճակում գտնվող այլ երկրների փորձը: Եվրոպական ներդրումային բանկի ներկայացուցիչները վստահեցրել են, որ ԵՆԲ-ն էներգաարդյունավետության ոլորտում պատրաստ է տրամադրել երկարաժամկետ վարկեր` ցածր տոկոսադրույքներով: ԵՆԲ ներկայացուցիչը նշել է, որ քննարկելով և վերլուծելով Հայաստանում իրականացվելիք ծրագրի ծավալը, կհստակեցվի ներդրումների ծավալը:

Փոխնախարար Արմեն Ղուլարյանը, շնորհակալություն հայտնելով հանդիպման մասնակիցներին, նշել է, որ առաջիկայում նախարարության համապատասխան մասնագետների հետ կքննարկվեն ԵՆԲ-ի կողմից ներկայացված առաջարկները: Կողմերի միջև պայմանավորվածություն է ձեռք բերվել առաջիկա հանդիպման վերաբերյալ:

Հայերեն English

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը