1 րոպեի ընթերցում
ԵՐԵՎԱՆ, 6 ՄԱՐՏԻ, ԱՐՄԵՆՊՐԵՍ: Տիեզերագնացների համահավաք երգչախումբը՝ հանրաճանաչ երգչուհու եւ համատեղության կարգով տիեզերական զբոսաշրջիկի՝ Սառա Բրայթմանի մասնակցությամբ, Միջազգային տիեզերակայանում (ՄՏԿ) կարող Է կատարել «Կալինկա» ռուսական ժողովրդական երգը: Այդ մասին, ինչպես տեղեկացնում Է «Արմենպրես»-ը, մարտի 6-ին լրագրողներին հայտնել Է ռուս տիեզերագնաց Գենադի Պադալկան:
Այժմ Բրայթմանը, որն անձնակազմի հետ միասին Միջազգային տիեզերակաայան Է մեկնելու 2015 թվականի սեպտեմբերին, սովորում Է ռուսերեն խոսել:
Պլանավորվում Է, որ Բրայթմանը կդառնա ՄՏԿ այցելող ութերորդ տիեզերական զբոսաշրջիկը: ՄՏԿ-45/46 գիտարշավի անձնակազմում նրա հետ միասին նշանակված են ռուս տիեզերագնաց Սերգեյ Վոլկովը եւ Եվրոպական տիեզերական գործակալության աստղագնաց Անդրեաս Մոգերսենը:
Ինչպես նշում Է ՌԻԱ Նովոստին, երգչուհու կրկնորդը ճապոնացի գործարար եւ «տիեզերքի մեծ երկրպագու» Սատոշի Տակամացուն Է: Բացառված չԷ, որ Բրայթմանից հետո հենց նա կդառնա հաջորդ տիեզերական զբոսաշրջիկը. Տակամացուի թռիչքը ՄՏԿ կարող Է տեղի ունենալ 2017-2018 թվականներին: