1 րոպեի ընթերցում
ԳՅՈՒՄՐԻ« 25 ՓԵՏՐՎԱՐԻ« ԱՐՄԵՆՊՐԵՍ: Ռուսաստանի Դաշնային ժողովի Դաշնության խորհրդի անդամ, Խորհրդային Միության հերոս, գիտնական Արթուր Չիլինգարովի գլխավորած պատվիրակությունը փետրվարի 25-ին Գյումրի կատարած այցի շրջանակներում այցելել և ծաղիկներ է դրել Ավետիսյանների գերեզմանին:
Ավելի ուշ Շիրակի մարզպետ Ֆելիքս Ցոլակյանն ընդունել է հանրահայտ բևեռախույզ, Խորհրդային Միության և ՌԴ հերոս, աշխարհագրական գիտությունների դոկտոր, ՌԴ բնական Գիտությունների Ակադեմիայի թղթակից- անդամ, Պետական ծովային ակադեմիայի պատվավոր պրոֆեսոր Արթուր Չիլինգարովին և ռուս լրագրող, «Ռուսաստանն այսօր» միջազգային տեղեկատվական գործակալության գործադիր տնօրեն Դմիտրի Կիսելյովին:
Հյուրերը ցավակցություն են հայտնել Ավետիսյանների ընտանիքի հետ տեղի ունեցած աննախադեպ ողբերգության կապակցությամբ: Հանդիպման ընթացքում քննարկվել են վերջին դեպքերին, ինչպես նաև հայ-ռուսական բարեկամությանն առնչվող հարցեր:
Արմենուհի Մխոյան