1 րոպեի ընթերցում
ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: NASA-ն ցուցադրել Է Նիկտայի եւ Հիդրայի՝ Պլուտոնի արբանյակների լուսանկարները, տեղեկացնում Է «Արմենպրես»-ը: Արբանյակների լուսանկարներն ստացել Է New Horizons ապարատը հունվարի 27-ից մինչեւ փետրվարի 8-ն ընկած ժամանամիջոցում: Այդ ընթացքում ապարատը Պլուտոնին Է մոտեցել 201 միլիոնից մինչեւ 186 միլիոն կիլմետր հեռավորությամբ:
2015 թվականի հուլիսի 14-ին NASA-ի New Horizons միջմոլորակային ավտոմատ կայանը Պլուտոնին կմոտենա նվազագույն հեռավորությամբ՝ 12,5 հազար կիլոմետր: New Horizons ծրագրի հիմնական խնդիրը թզուկ մոլորակի եւ դրա արբանյակի ուսումնասիրումն Է:
Նիկտան եւ Հիդրան հայտնաբերվել են 2005 թվականին Hubble աստղադիտակի միջոցով: Ընդամենը հայտնի Է Պլուտոնի հինգ բնական արբանյակ: Դրանցից ամենամեծը Խարոնն Է: Մյուս երկուսն են՝ Քերբերը եւ Սթիքսը:
Հիդրան Պլուտոնի շուրջը պտտվում Է 38 օր պարբերությամբ եւ գտնվում Է դրանից 64,7 հազար կիլոմետր հեռավորության վրա: Նիքսն ունի պտտման 25 օր պարբերություն եւ թզուկ մոլորակից հեռու Է 48,7 հազար կիլոմետր: Պլուտոնի լուսիններից յուրաքանչյուրի տրամագիծը կազմում Է մոտավորապես 40 – 150 կիլոմետր: