2 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Մեծ Բրիտանիայի Քենթի կոմսությունից Լորիների ընտանիքում 205 տարվա ընթացքում առաջին անգամ իգական սեռի երեխա Է ծնվել, հաղորդում Է «Արմենպրես»-ը՝ հղում անելով The Daily Mail-ին: Մայլա անունով աղջիկը լույս աշխարհ Է եկել 2014 թվականի հոկտեմբերին, սակայն ընտանիքի համար ուրախալի իրադարձության մասին Լորիի ներկայացուցիչները միայն օրերս են հայտնել մամուլին:
Երիտասարդ ծնողները բացատրել են, որ, իրենց կարծիքով, ընտանեկան օրինաչափությունից հաջողվել Է խուսափել երեխայի բեղմնավորման համար համապատասխան օրերը խստիվ ընտրելու շնորհիվ:
Լորիների նախորդ հինգ սերունդներում ծնվում Էին միայն տղաներ: Ինչպես նշում Է հրատարակությունը, վերջին անգամ ընտանիքում իգական սեռի երեխա Է ծնվել 1809 թվականին՝ Մեծ Բրիտանիայում Գեորգ Երրորդ թագավորի եւ Ֆրանսիայում Նապոլեոն Բոնապարտի իշխելու տարիներին:
Բրիտանական զույգի կողմից երեխայի սեռի պլանավորման համար օգտագործված եղանակը 1960-ական թվականներին մշակել Է ամերիկացի բժիշկ Լանդրում Շեթլս: Այն ստացել «Շեթլսի մեթոդ» անվանումը:
Այս տեսության համաձայն՝ տղա բեղմնավորելու համար հարկավոր Է, որ ամուսինների մերձեցումը տեղի ունենա ապագա մոր ձվազատումից մի քանի օր առաջ, դրա ժամանակ կամ դրանից հետո երկու շաբաթվա ընթացքում: Աղջիկ ունենալու համար կարելի Է օգտագործել մնացած բոլոր օրերը: