2 րոպեի ընթերցում
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի ազգային օդատիեզերական գործակալությունը փոքր ուղղաթիռների թեսթավորում Է սկսել, որոնք պլանավորվում Է օգտագործել մարսագնացների փոխարեն: Այդ մասին, ինչպես տեղեկացնում Է «Արմենպրես»-ը, հաղորդել Է Daily Mail թերթը:
Գիտնականները ծրագրում են կարմիր մոլորակի ուսումնասիրման արագությունը մի քանի անգամ ավելացնել ուղղաթիռների օգնությամբ: Ի տարբերություն այն ապարատների, որոնք կարող են Մարսի մակերեւույթով մեկ ամսվա ընթացքում հաղթահարել շուրջ 400 մետր տարածություն, ուղղաթիռները կկարողանան օրական անցնել կես կիլոմետր տարածությունն: Դրա հետ մեկտեղ նրանք հեշտությամբ կխուսափեն շեշտակի վերելքների եւ խորը ծերպերի նման խոչընդոտներից:
Ապարատը կունենա խորանարդաձեւ կորպուս՝ հենաոտքերի վրա: Վերեւում կգտնվի ռոտորը: Ուղղաթիռի զանգվածը կկազմի շուրջ 1 կիլոգրամ: Ռոտորի թիակների բացվածքը շուրջ 1,1 մետր Է:
Կորպուսի մեջ ներսարված Է արեւային մարտկոց: Ապարատն օրական կկարողանա թռչել երկու-երեք րոպե: Յուրաքանչյուր թռիչքից հետո հարկ կլինի այն լիցքավորել:
Ինչպես նշում Է «Ինտերֆաքս»-ը, թռչող ապարատի օգնությամբ գիտնականները հույս ունեն բարձրացնել Մարսի ուսումնասիրության հետ կապված որոշումների արդյունավետությունը՝ գերակա ուղղություններ ընտրելով տվյալների հավաքման համար: