1 րոպեի ընթերցում
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ:Facebook և Instagram սոցիալական ցանցերը հունվարի 27-ի առավոտյան ավելի քան 30 րոպե անհասանելի էին օգտատերերի համար: Դրա ֆոնին ակտիվացել էր Twitter-ը, որտեղ վայրկյանում հազարավոր գրառումներ էին արվում #facebookdown հաշթեգով: «Արմենպրես»-ի հաղորդմամբ` «Ֆեյսբուք»-ում մուտքի ժամանակ երևում էր հաղորդագրություն այն մասին, որ կայքի ադմինիստրացիան տեղյակ է խափանման մասին և խոստանում է հնարավորինս արագ կարգավորել այն:
Երեւանի ժամանակով 11:10-ի դրությամբ խնդիրը հարթվել էր եւ սոցցանցը հասանելի էր, սակայն միջազգային լրատվամիջոցները հասցրել էին հայտնել, որ «Ֆեյսբուքը» խափանվել է:
Վերջին անգամ սոցցանցի աշխատանքում խափանում Է տեղի ունեցել 2014 թվականի հունիսի 19-ին: Կեսժամանոց պարապուրդը ընկերության վրա կես միլիոն դոլար նստեց: Facebook-ն աշխարհում առավել մեծ ժողովրդականություն վայելող սոցիալական ցանցն Է, նրա լսարանը կազմում Է 1,35 միլիարդ օգտատեր: