Բորդյուժան վստահություն Է հայտնել Գյումրիի ողբերգության «համակողմանի եւ անաչառ համատեղ հետաքննության» հարցում
1 րոպեի ընթերցում
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան վստահություն է հայտնել Գյումրիի ողբերգության համակողմանի եւ անաչառ համատեղ հետաքննության հարցում: Ինչպես տեղեկացնում է «Արմենպրես»-ը, այս դիրքորոշումը նա հայտնել Է Հայաստանի պաշտպանության նախարար Սեյրան Օհանյանի հետ կայացած հեռախոսազրույցի ընթացքում:
Գյումրիում հայ ընտանիքի սպանության կապակցությամբ Բորդյուժան ցավակություն է հայտնել զոհվածների ազգականներին ու մերձավորներին եւ ամբողջ հայ ժողովրդին:
Ինչպես ՏԱՍՍ-ին հայտնել Է ՀԱՊԿ-ի մամուլի քարտուղար Վլադիմիր Զայնետդինովը, հեռախոսազրույցի ընթացքում քննարկվել են նաեւ ՀԱՊԿ-ի Հավաքական անվտանգության խորհրդի դեկտեմբերյան նստաշրջանում ընդունված որոշումների իրագործման հարցերը՝ «ռազմական համագործակցության առումով, ինչպես նաեւ հավաքական անվտանգության կովկասյան տարածաշրջանի իրադրությունը՝ շփման գծում եւ հայ-ադրբեջանական սահմանին Ադրբեջանի կողմից պարբերաբար իրականացվող գնդակոծումների պատճառով իրադրության շարունակվող սրման կապակցությամբ»: Ընդգծվել Է լարվածությունը թուլացնելու անհրաժեշտությունը եւ հակամարտության խաղաղ կարգավորման այլընտրանքի բացակայությունը: