Երևանը այն 50 անկանխատեսելի ու անսովոր քաղաքների ցանկում է, ուր արժե լինել
1 րոպեի ընթերցում
![Երևանը այն 50 անկանխատեսելի ու անսովոր քաղաքների ցանկում է, ուր արժե լինել](http://armenpress.am/resized/480/static/news/b/2015/01/789921.jpg)
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: «Էլիթ Դեյլի» էլէկտրոնային կայքը հրապարակել է 50 անկանխատեսելի ու անսովոր վայրերի ցուցակ` խորհուրդ տալով այցելել այդտեղ 20 տարեկանում: Ցանկում ընդգրկված է Հայաստանի մայրաքաղաք Երևանը:
«Կան որոշակի վայրեր, ուր մենք երազում ենք լինել մի օր` Փարիզ, Հռոմ, Բանգոկ, Ռիո դե Ժանեյրո, Երուսաղեմ, Նյու Յորք, Բուենոս Այրես, Պեկին, Ստոկհոլմ: Դրանք կախարդական քաղաքներ են` մշակութային ու պատմական վայերով, որոնք դինամիկ նյութ են ներկայացնում այս գլոբալացվող աշխարհում»,- «Արմենպրես»-ի հաղորդմամբ՝ ասված է հոդվածում:
Նշյալներից զատ, կայքը ներկայացնում է մեկ այլ վայրերի ցանկ, ուր արժե ճամփորդել: Հոդվածագրի ցանկի քաղաքներից են Կանադայի Մոնթրեալը, Սլովենիայի մայրաքաղաք Լյուբլյանան, Լիբանանի Բեյրութ, Վրաստանի Մեստիա, Ֆրանսիայի Կորսիկա, ԱՄՆ-ի Նոր Օռլեան քաղաքները և այլն: Հայաստանի մայրաքաղաքը ներկայացված է այսպես. «Երևանը մի կախարդական ու պատմական քաղաք է` դեպի Արարատ լեռը գեղեցիկ տեսարանով: Այն եզակի ճարտարապետությամբ, հյուրասեր մարդկանցով, սննդի և խմիչքի մեծ առաջարկով քաղաք է. այն ֆանտաստիկ վայր է այցելելու համար»: