ԱՄՆ-ում քննիչները հայտնաբերել են Շագալի եւ Ռիվերայի՝ վեց տարի առաջ հափշտակված կտավները

ԵՐԵՎԱՆ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Միացյալ Նահանգների Լոս Անջելես քաղաքի ոստիկանական դեպարտամենտի եւ Հետաքննությունների համերկրային բյուրոյի (ՀՀԲ) քննիչները հայտնաբերել են 10 միլիոն դոլար արժողությամբ նկարներ, որոնք գողացվել Էին վեց տարի առաջ:

Ինչպես տեղեկացնում Է «Արմենպրես»-ը՝ հղում անելով Los Angeles Times հրատարակությանը, ամերիկացի քննիչները հայտնաբերել են 12 նկարներից ինը, դրանց թվում են Մարկ Շագալի եւ Դիեգո Ռիվերայի կտավները: Գողությունը տեղի Է ունեցել 2008 թվականի օգոստոսին մասնավոր տնից:

Նկարները գտել են Լոս Անջելեսի արեւմտյան շրջանում գտնվող հյուրանոցներից մեկի համարում: Դատախազությունը պնդում Է, որ 45-ամյա Ռաուլ Էսպինոզան փորձել Է նկարները վաճառել 700 հազար դոլարով: Էսպինոզան չի ընդունում իր մեղքը: Այս պահին նա մնում Է կալանքի տակ:

Եվս երեք գողացված նկարների որոնումները շարունակվում են, հաղորդել Է ՌԻԱ Նովոստին: