1 րոպեի ընթերցում
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: ԴՆԹ-ի կառուցվածքի հայտնագործման նախահայրերից մեկի՝ ամերիկացի գիտնական Ջեյմս Ուոթսոնի Նոբելյան մեդալն, ինչպես սպասվում Է, դեկտեմբերի 4-ին Նյու Յորքում աճուրդի կհանվի Christie's-ում, տեղեկացնում Է «Արմենպրես»-ը:
Ուոթսոնը ֆիզիոլոգիայի եւ բժշկագիտության գծով Նոբելյան մրցանակ Է ստացել 1962 թվականին՝ իր գործընկերներ Ֆրենսիս Քրիկի եւ Մորիս Ուիլքինսոնի հետ՝ ԴՆԹ-ի մոլեկուլի կառուցվածքի հայտնագործման համար:
86-ամյա գիտնականը կդառնա պատմության մեջ Նոբելյան մրցանակի առաջին դափնեկիրը, որը որոշել Է վաճառել իր պարգեւը: Ինչպես նշվել Է աճուրդային տան կայքում, լոտի նախնական գնահատումը կազմում Է 2,5-ից մինչեւ 3,5 միլիոն դոլար: Գիտնականն ինքը հայտարարել Է, որ ստացված միջոցները կծախսվեն բարեգործության նպատակներով, հաղորդել Է ՌԻԱ Նովոստին: