1 րոպեի ընթերցում
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Անգլիայի Օքսֆորդի համալսարանի գիտնականները Բոտսվանայում հարյուրավոր կանանց նկատմամբ բազմամյա դիտարկումների արդյունքում պարզել են, որ Մարդու իմունային անբավարարության վիրուսը (ՄԻԱՎ) ժամանակի ընթացքում կորցնում Է ուժը եւ դառնում Է նվազ վտանգավոր ու վարակիչ, տեղեկացնում Է «Արմենպրես»-ը՝ հղում անելով BBC-ին:
Հետազոտողները հայտնաբերել են, որ գոյատեւման համար պայքարի ընթացքում վիրուսը ենթարկվում Է ավերիչ մուտացիայի:
Վիրուսի Էվոլյուցիայի արդյունքներից մեկը դարձել Է վերարտադրվելու նրա ընդունակության վատացումը. այժմ նույնիսկ մարդկային օրգանիզմի բջիջներ ներթափանցելուց հետո նրան ավելի շատ ժամանակ Է պահանջվում ՁԻԱՀ-ի լիամասշտաբ հիվանդություն առաջացնելու համար:
Գիտնականներն ասում են, որ հայտնագործությունը նպաստում Է ՄԻԱՎ-ն արմատախիլ անելուն ուղղված ջանքերին, բայց նախազգուշացնում են, որ մուտացիայի հետեւանքով նույնիսկ թուլացած վիրուսը նախկինի պես վտանգավոր Է: