2 րոպեի ընթերցում
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: Ռեժիսոր Ջեյմս Քեմերոնը հայտարարել Է, թե «Ավատար 2» ֆիլմի հանդիսատեսները ժապավենը դիտելու են «բերանները բաց»: Այդ մասին, ինչպես տեղեկացնում Է «Արմենպրես»-ը, ռեժիսորը պատմել Է Empire հանդեսին տված հարցազրույցում: Նրա խոսքով՝ նախագծին մասնակցում են դերասաններ Սիգուռնի Ուիվերը, Սեմ Ուորթինգթոնը, Սթիվեն Լենգը եւ Զոյի Սալդանան:
«Ես կարող եմ ձեզ մի բան ասել. դա շշմեցուցիչ ֆիլմ Է լինելու»,-նշել Է Քեմերոնը: Բացի այդ, ռեժիսորը առանց կեղծ համեստության նշել Է, որ հանդիսատեսները «Ավատար»-ը դիտելու են «բերանները լայն բացած»:
Կինոնկարի երկար սպասված պրեմիերան կկայանա 2016 թվականի դեկտեմբերի 26-ին:
Քեմերոնը նաեւ պատմել Է, որ ֆրանշիզայի հաջորդ երեք ֆիլմերի սցենարների վրա աշխատում են Ռիկ Ջաֆֆան, Ամանդա Սիլվերը, Շեյն Սալեռնոն եւ Ջոշ Ֆրիդմանը:
«Ավատարը» ճանաչվել Է ամենադրամարկղային կինոնկարը պատմության մեջ: Այդ ժապավենի վարձույթից դրամական մուտքերը աշխարհի կինոթատրոններում գերազանցել են 2,8 մլրդ դոլարը: Ֆիլմն ինքը, ինչպես նաեւ նրա ստեղծողներն անվանակարգվել են «Օսկար»-ի ինը մրցանակների համար՝ 2010 թվականին նվաճելով ԱՄՆ-ի կինոարվեստի ակադեմիայի երեք պարգեւներ, հաղորդել Է ՏԱՍՍ-ը: