1 րոպեի ընթերցում
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Հարավային Կորեայի Samsung Electronics ընկերությունը ներկայացրել Է իր նոր մշակումը՝ համակարգչային մկնիկ հաշմանդամների համար, որը հետեւում Է համակարգչի օգտատիրոջ աչքերի շարժանը: Ինչպես տեղեկացնում Է «Արմենպրես»-ը, նորույթը, որն ստացել Է Eyecan+ անվանումը, թույլ Է տալիս տեքստեր տպագրել եւ մի շարք գործառույթներ կատարել աչքերի շարժման հաշվին:
Այն իրենից ներկայացնում Է այն սարքի կատարելագործված տարբերակը, որը դրվում Է որպես ակնոց: Այդ մկնիկի միջոցով հաշմանդամ օգտատերերը կարող են կուրսորը շարժել Էկրանով, թերթել պատկերները, բացել պատուհաններ եւ անցնել համակարգչային ինտերֆեյսի ներդիրներով:
Հաջորդ տարի Samsung-ը մտադիր Է բարեգործական նպատակներով հաշմանդաներին նվիրել մինչեւ 100 միավոր Eyecan+:
Համակարգչային մկնիկի նոր տարբերակը կվաճառվի 50 հազար վոնով (45 դոլարով)՝ անհամեմատ ավելի Էժան այժմ շուկայում եղած համանման սարքերից, որոնք վաճառվում են 10 միլիոն վոն (մինչեւ 9 հազար դոլար) գնով, հաղորդել Է ՏԱՍՍ-ը: