1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Ջրածնային շարժիչով աշխարհում առաջին ավտոմոբիլը՝ Mirai («Ապագա») սեդանը, որն արտադրել Է Toyota ընկերությունը, Ճապոնիայում վաճառքի կհանվի դեկտեմբերի 15-ին եւ կարժենա շուրջ 62 հազար դոլար:
Ինչպես տեղեկացնում Է «Արմենպրես»-ը՝ հղում անելով «Նիկեյ սիմբուն» թերթին, Եվրոպայում եւ ԱՄՆ-ում այդ ավտոմեքենան կարելի Է գնել արդեն եկող տարվա ամռանը: Ճապոնիայում Toyota-ն մինչեւ տարեվերջ հույս ունի վաճառելու շուրջ 400 Mirai, մասնավորապես, այն բանի հաշվին, որ երկրի կառավարությունը խոստացել Է 17 հազար դոլարի չափով լրահատկացումներ տրամադրել ավտոմեքենայի յուրաքանչյուր գնորդի:
Ընկերության տվյալներով՝ Mirai-ի շարժիչի աշխատանքի միակ արգասիքը ջուրն Է. ոչ մի կարգի վնասակար նյութեր մթնոլորտ չեն արտանետվում: Ավտոմոբիլի ջրածնային վառելիքի բաքը (լիքը լցվում Է 3 րոպեում) բավականացնում Է մոտավորապես 650 կիլոմետր ճանապարհ անցնելու համար, վառելիքի արժեքը 1 կիլոմետրի վերահաշվարկով պետք Է կազմի շուրջ 10 իեն (0,09 դոլար), հաղորդել Է ՏԱՍՍ-ը: