Facebook-ը մրցակից Է պատրաստում LinkedIn-ին եւ Google Drive-ին՝ Համացանցում գործնական շփման համար
1 րոպեի ընթերցում
ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: Facebook սոցիալական ցանցն աշխատում Է Facebook at Work նոր ինտերնետ-նախագծի վրա՝ բիզնես-հարցերի շուրջ ընկերությունների աշխատակիցների շփման համար: Այդ մասին, ինչպես տեղեկացնում Է «Արմենպրես»-ը, հաղորդում Է The Financial Times-ը՝ վկայակոչելով սեփական աղբյուրներ:
Հրատարակության տվյալներով՝ Facebook-ը ցանկանում Է մրցակիցներ ստեղծել LinkedIn-ին եւ Google Drive-ին եւ ընկերությունների աշխատակիցներին հնարավորություն ընձեռել շփվելու միմյանց հետ, փաստաթղթեր փոխանակել, ինչպես նաեւ հաստատել բիզնես-ծանոթություններ:
Բիզնես-հաղորդակցման համար նոր կայքը դիզայնով նման կլինի Facebook-ին. այնտեղ կլինի նորությունների ժապավեն եւ խմբերում շփվելու հնարավորություն: Սակայն պրոֆիլում անհասանելի կլինեն աշխատանքին չվերաբերող լուսանկարները, տեսագրությունները եւ գործածական տեղեկատվությունը:
Facebook-ն աշխարհի խոշորագույն սոցիալական ցանցն Է՝ 208,7 միլիարդ դոլար կապիտալացմամբ (NASDAQ): Սոցցանցի ամսական լսարանը ներառում Է 1,19 միլիարդ օգտարերերի, հաղորդել Է ՏԱՍՍ-ը: