1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը թույլատրել Է անօթեւանների համար հատուկ խցիկներ տեղակայել Վատիկանում, որտեղ նրանք կկարողանան անվճար լոգանք ընդունել, տեղեկացնում Է «Արմենպրես»-ը՝ հղում անելով իտալական La Stampa հրատարակությանը:
Գաղափարը ծնվել Է այն բանից հետո, երբ Սարդինիայից անօթեւան Ֆրանկոն հրաժարվել Է ընթրիքի հրավեր ընդունել արքեպիսկոպոս Կոնրադ Կրաեւսկուց, որը չքավորներին ողորմության բաշխման հարցերի պատասխանատուն Է: Անօթեւանը, որը շուրջ տասը տարի ապրել Է փողոցում, մերժման պատճառ Է նշել իրենից եկող տհաճ հոտը:
Արքեպիսկոպոսի խոսքով՝ իրեն այնուամենայնիվ հաջողվել Է անօթեւանին համոզել ընթրելու իր հետ: «Մենք գնացինք չինական ռեստորան, եւ ընթրիքի ժամանակ նա բացատրեց, որ Հռոմում միշտ Էլ կարելի Է կերակուր գտնել, բայց բացակայում Է այն վայրը, որտեղ կարելի Է լոգանք ընդունել»,- հայտնել Է հոգեւորականը:
Անօթեւանի խոսքն այնպես Է հուզել Կրաեւսկուն, որ նա հայտնել Է Սուրբ Պետրոսի հրապարակում հենց սյունաշարերի տակ հանրային զուգարանի ներսում անվճար հատուկ խցիկներ ստեղծելու նախաձեռնության մասին, հաղորդել Է ՌԻԱ Նովոստի գործակալությունը: