1 րոպեի ընթերցում
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Մեծ Բրիտանիայի եւ Իրանի քաղաքացիություն ունեցող աղջիկը, որը Իրանում կալանավորված է վոլեյբոլի մրցախաղը դիտելու փորձի համար, երկրորդ անգամ հացադուլ է հայտարարել: Այդ մասին, ինչպես տեղեկացնում է «Արմենպրես»-ը, հաղորդել է BBC-ն՝ հղում անելով նրա ընտանիքին:
Գոնխեխ Գավամին բողոքում է, իր կարծիքով, անօրինական ձերբակալման դեմ, ասել է նրա մայրը:
Ակտիվիստուհու փաստաբանը հայտնել է, թե տեսել է դատական փաստաթղթեր, որոնց համաձայն, նրան դատապարտել են մեկ տարվա բանտարկության:
Սակայն, ազգականների խոսքով, դատախազները չեն հաստատել այդ տեղեկատվությունը:
Իրանում կանանց արգելված է մարզադաշտերում դիտել վոլեյբոլի եւ ֆուտբոլի մրցախաղերը: Իշխանություններն այդ արգելքը բացատրում են տղամարդ երկրպագուների անվայելուչ պահվածքից կանանց պաշտպանելու փորձով: