Չինարենի խորացված ուսուցմամբ հայաստանյան դպրոցը կդառնա խոշորագույնն Արևելյան Եվրոպայում
1 րոպեի ընթերցում
![Չինարենի խորացված ուսուցմամբ հայաստանյան դպրոցը կդառնա խոշորագույնն Արևելյան Եվրոպայում](http://armenpress.am/resized/480/static/news/b/2014/10/782049.jpg)
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ:Հայաստանում հիմնվող չինարենի խորացված ուսուցմամբ դպրոցը կլինի ԱՊՀ ևԱրեւելյան Եվրոպայիամբողջտարածքում խոշորագույնը: Այդ մասինՀՀ կառավարության նիստում հայտարարեց ՀՀ կրթության և գիտության նախարար Արմեն Աշոտյանը:
Հայաստանի և Չինաստանի կառավարությունների միջև ՀՀ-ում չինարենի դպրոց կառուցելու մասին համաձայնագիրը կնքվել է դեռևս 2013 թ. սեպտեմբերին: Չինական կողմին է տրամադրվելու Երևան քաղաքի Զ.Սարկավագի փ., 14 հասցեում գտնվող Հ.Գյուլիքեխվյանի անվան N103 ավագ դպրոցին պատկանող 1,45028 հա հողամասը: Համաձայնագրով ՉԺՀ կառավարությունը ՀՀ կառավարությանը տրամադրելու է 27 մլն դոլարի օգնություն: «Մենք ցանկանում ենք, որպեսզի այդ դպրոցը իր տեսակով ԱՊՀ-ում և Արեւելյան Եվրոպայի ամբողջ տարածքում դառնա խոշորագույնը», - «Արմենպրես»-ի հաղորդմամբ՝ նշեց նախարարը:
Հ.Գյուլիքեխվյանի անվան N103 ավագ դպրոցը ժամանակավորապես կտեղափոխվի Երևանի Ս.Շահմուրադյանի անվան N 85 հիմնական դպրոց: