1 րոպեի ընթերցում
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ-ում բացել են այսպես կոչված «ժամանակի պատիճը», որը 1914 թվականին դրվել է առյուծի արձանի գլխի մեջ, արձան, որը զարդարում է Հին Կապիտոլիումի շենքը: Այս մասին, ինչպես տեղեկացնում Է «Արմենպրես»-ը, հաղորդել է Associated Press-ը:
Բրոնզե տուփը բացել Է Նյու Յորքի Պատմական ընկերակցության անդամը՝ գործընկերների ներկայությամբ: Ներսում գտել են մի քանի գիրք, լուսանկարներ, Ուոլ Սթրիթի գործարարների փաստաթղթեր եւ XX դարի սկզբի թերթեր: Պատիճը պետք Է բացեին տակավին 1974 թվականին, տուփի վրա նշված Է հենց այդ ժամկետը: Սակայն սերունդներին հղված ուղերձի մասին մոռացել Էին եւ այն գտել են պատահաբար՝ արձանի վերակառուցման ընթացքում, հաղորդել Է ՏԱՍՍ-ը: