1 րոպեի ընթերցում
ԵՐԵՎԱՆ, 7 ՀՈԿՏԵՄԲԵՐԻ, ԱՐՄԵՆՊՐԵՍ: Լոնդոնի Honky Tonk ռեստորանն ստեղծել Է աշխարհում ամենաթանկ համբուրգերը՝ զարդարված նրբաթերթ ոսկով, օմարներով եւ ձկնկիթով, տեղեկացնում Է «Արմենպրես»-ը՝ հղում անելով The Telegraph հրատարակությանը:
Մարմարանման տավարի մսից՝ վագյուից եւ եղնիկի մսից կերակրատեսակի ստեղծումը, որի արժեքը 1100 ֆունտ Է, տեւել Է երեք շաբաթ եւ Record Setters-ի կողմից գնահատվել որպես աշխարհում ամենաթանկը:
Honky Tonk ռեստորանն իր խոհարարական ստեղծագործությունն անվանել Է «Գլամբուրգեր»: Վերջինիս արժեքն արդարացնելու համար ռեստորանը որոշել Է ճաշացուցակում նոր կերակրատեսակն առաջարկել նրբախորտիկների շվեդական սեղանի հետ, հաղորդել Է ՌԻԱ Նովոստին: