368.52
Հանրապետական կուսակցությունը պարգևատրեց լավագույն մանկավարժներին
2 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ; Հայաստանի վարչապետ, Հայաստանի Հանրապետական կուսակցության նախագահի տեղակալ Հովիկ Աբրահամյանն «Առնո Բաբաջանյան» համերգասրահում մասնակցեց Ուսուցչի օրվա առթիվ ՀՀԿ կանանց խորհրդի կողմից կազմակերպված հանդիսավոր միջոցառմանը:
Ինչպես փոխանցում է «Արմենպրես»-ը` շնորհավորելով ուսուցիչներին մասնագիտական տոնի առթիվ՝ Հովիկ Աբրահամյանը բարձր գնահատեց նրանց ներդրումը մատաղ սերնդի կրթության և հայրենասիրական դաստիարակության գործում: Վարչապետը վստահեցրեց, որ մանկավարժների խնդիրները մշտապես գտնվում են ՀՀ կառավարության ուշադրության կենտրոնում:
Ուսուցչի օրվա առթիվ, կրթության ու մանկավարժության բնագավառում ներդրած մեծ ավանդի համար, ՀՀԿ նախագահի տեղակալ Հովիկ Աբրահամյանը ՀՀ Նախագահ, ՀՀԿ նախագահ Սերժ Սարգսյանի անունից պատվոգրեր և շնորհակալագրեր հանձնեցմի խումբ մանկավարժների: Հանրապետության տարբեր մարզերը ներկայացնող ավելի քան մեկ տասնյակ ուսուցիչներ պարգևատրվեցին ՀՀ վարչապետի հուշամեդալով:
2014 թ. լավագույն մանկավարժներին գերատեսչական մեդալներով պարգևատրեցին նաև ՀՀ կրթության և գիտության նախարար Արմեն Աշոտյանը և ՀՀ պաշտպանության նախարարի տեղակալ Արա Նազարյանը: Միջոցառմանը մասնակցում էին ԱԺ պատգամավորներ, պետական կառավարման և տեղական ինքնակառավարման մարմինների, հանրապետության մարզերի և մայրաքաղաքի կրթության բնագավառի ներկայացուցիչներ, մանկավարժներ:
Բաժանորդագրվեք մեր ալիքին Telegram-ում