2 րոպեի ընթերցում
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ավտոմոբիլային ֆեդերացիան ներկայացված կլինի ավտոմոբիլային միջազգային ֆեդերացիայի կողմից կազմակերպվող ասամբլեային, սակայն մինչ այս 20 տարի ֆեդերացիան չի ունեցել կանոնադրություն:
«Հայաստանի ավտոմոբիլային ֆեդերացիան ներկայացցած կլինի Դոխայում կայանալիք գլխավոր ասամբլեային: ՀԱՖ-ը 7 տարի Միջազգային ֆեդերացիայում զրկված էր ձայնի իրավունքից, մենք նույնիսկ տարվա անդամավճարը տարիներ շարունակ չէինք վճարել: Այժմ վերականգնել ենք մեր իրավունքները եւ ձայնը Միջազգային ֆեդերացիայում»,-«Արմենպրես»-ի հաղորդմամբ, լրագրողների հետ հանդիպման ժամանակ նման հայտարարություն արեց ֆեդերացիայի նախագահ Գագիկ Աղաջանյանը:
Վերջինիս խոսքով, ֆեդերացիան 20 տարի կանոնադրություն չի ունեցել: «Տարօրինակ էր, բայց տարիներ շարունակ Հայաստանի ավտոմոբիլային ֆեդերացիան կանոնակարգ չուներ: Մենք ստեղծեցինք այդ կանոնադրությունը, դա 65-էջանոց մի փաստթաթուղթ է, որը համապատասխանում է միջազգային ֆեդերացիայի կանոնակարգին: Դա մեր մարզիկների Աստվածաշունչն է»,-եզրափակեց ֆեդերացիայի նախագահը:
Հայաստանի ավտոմոբիլային ֆեդերացիայի նախագահի պաշտոնն անցած տարվա մայիսից զբաղեցնում է Գագրիկ Աղաջանյանը: Նախագահի ընտրությունը բողոքարկվեց դատարանում, սակայն դատարանի որոշմամբ ՀԱՖ նախագահի պաշտոնը հանձնվեց Գագիկ Աղաջանյանին: