1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Բրիտանացի երգչուհի Սառա Բրայթմանը գալիք տարվա սկզբին կսկսի տուրիստական թռիչքի պատրաստվել դեպի Միջազգային տրիեզերակայան (ՄՏԿ): Այդ մասին, ինչպես տեղեկացնում Է «Արմենպրես»-ը, «Ինտերֆաքս» գործակալությանը հայտնել Է Ռուսաստանի Տիեզերագնացիների պատրաստման կենտրոնի (ՏՊԿ) պետ Յուրի Լոնչակովը:
Նրա խոսքով՝ արդեն պատրաստված Է տիեզերական զբոսաշրջուհու վարժանքների ծրագիրը, որոնց նա ձեռնամուխ կլինի հունվարին: «Կարծում եմ, որ նրա նախապատրաստումը հաջող ընթացք կունենա»,-ասել Է Լոնչակովը:
Ավելի վաղ հաղորդվել Էր, որ Բրայթմանը մարզումներին ձեռնամուխ կլինի արդեն այս ամսին: Դեպի Միջազգային տիեզերակայան երգչուհու թռիչքը պլանավորվում Է 2015 թվականի սեպտեմբերին: Սպասվում Է, որ թռիչքի ընթացքում Բրայթմանին կընկերակցեն ռուսաստանցի տիեզերագնաց Սերգեյ Վոլկովը եւ Եվրոպայի տիեզերական գործակալության աստղագնաց Անդրեաս Մոգենզենը:
Թռիչքի գինը չի հրապարակվում. ըստ որոշ տվյալների՝ այն կարող Է կազմել մինչեւ 50 մլն դոլար:
