1 րոպեի ընթերցում
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ: Աշխարհահռչակ Բարբի տիկնիկն այս տարվա սեպտեմբերից գնորդներին կներկայացվի մեքսիկացի ազգային երաժշտի՝ մարյաչիի զգեստով: Այդ մասին, ինչպես տեղեկացնում է «Արմենպրես»-ը, հայտնել է տիկնիկն արտադրող ընկերությունը:
Ըստ ընկերության տեղեկատվության՝ տիկնիկին մեքսիկական տարազ հագցնելու որոշումն ընդունվել է Մեքսիկայի անկախության օրվան նվիրված առաջիկա տոնակատարությունից առաջ, որն ավանդաբար նշվում Է սեպտեմբերի 16-ին:
Մարյաչիները համարվում են Մեքսիկայի խորհրդանիշներից մեկը: Առանց նրանց մասնակցության գործնականում ոչ մի հանդիսավոր միջոցառում տեղի չի ունենում, իսկ նրանց կատարմամբ մեղեդիները կարելի Է լսել ինչպես փողոցում, այնպես Էլ ամենաբարձր մակարդակով անցկացվող հանդիսավոր ընդունելությունների ժամանակ, հաղորդել Է ՌԻԱ Նովոստին: