1 րոպեի ընթերցում
ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Հունգարացի լեգենդար շախմատիստուհի 38-ամյա գրոսմայստեր Հուդիթ Պոլգարը հայտարարել է իր մարզական կարիերայի ավարտի մասին:
Ինչպես տեղեկացնում Է «Արմենպրես»-ը, Պոլգարը, որը Հունգարիայի տղամարդկանց շախմատի հավաքականի կազմում մասնակցեց Տրոմսյոի շախմատի համաշխարհային օլիմպիադային, ցանկություն է հայտնել հեռանալ ակտիվ շախմատից: Նա աշխարհի ամենաերիտասարդ գրոսմայստերն Էր դարձել` այս կոչմանը արժանանալով 12-տարեկան տարիքում:
Պոլգարը ծնվել Է Լասլո Պոլգարի հայտնի ընտանիքում, նրա 3 դուստրերն էլ հաջողության են հասել շախմատում, մանավանդ` Հուդիթը, որը դարձել Է տարբեր միջազգային մրցաշարերի հաղթողը, իսկ արագ շախմատում կարողացել է հաղթել շախմատի աշխարհի նախկին չեմպիոններ Անատոլի Կարպովին եւ Գարրի Կասպարովին: