«Բիթլզ»-ի մասին սերիալ կնկարահանվի

ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Հանրահայտ NBC ընկերությունը մտադիր է սերիալ նկարահանել լիվերպուլյան քառյակի մասին: Ինչպես հաղորդում է «Արմենպրես»-ը, վկայակոչելով The Beatles-ի պաշտոնական կայքը, ընկերությունն այս կերպ որոշել է նվեր մատուցել քառյակի բազմամիլիոն երկրպագուներին: Ամենայն հավանականությամբ, սերիալը բաղկացած կլինի 8 մասից, եւ նկարահանման համար ընկերությունը հրավիրել է պատմական «Թեոդորները» սերիալի անձնակազմին:

Սա լիվերպուլյան քառյակի մասին առաջին սերիալն է: Մինչ այդ խմբի մասին նկարվել էր «Բիթլզի անթոլոգիան» վավերագրական ֆիլմը, իսկ 2009թ. էկրան բարձրացավ «Դառնալ Ջոն Լենոն» ֆիլմը, որը կրկին վավերագրական էր եւ պատմում էր հայտնի «բիթլի» պատանեկան տարիների մասին: