2 րոպեի ընթերցում
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Ճապոնիայի Softbank ֆիրման ստեղծել Է ռոբոտ, որը կարող Է գնահատել մարդկային հույզերը, հաղորդում Է «Արմենպրես»-ը՝ հղում անելով BBC-ին:
Մշակողների խոսքով՝ Pepper («Պղպեղ») ռոբոտն օգտագործում Է այսպես կոչված հուզական շարժիչը եւ արհեստական ինտելեկտի համակարգը, ինչը նրան թույլ Է տալիս վերլուծել ժեստերը, ձայնային ազդանշանները եւ նույնիսկ մարդու դեմքի արտահայտությունը:
Ինչպես պատմել են արտադրողները, մարդիկ կարող են անդրոիդի հետ շփվել ճիշտ այնպես, ինչպես նրանք շփվում են ընկերների եւ հարազատների հետ, ըստ որում ռոբոտը կարող Է կատարել զանազան առաջադրանքներ:
«Երբեմն նվազ դյուրազգաց մարդկանց մասին ասում են, թե նրանք սիրտ չունեն, թե նրանք նման են ռոբոտի,- պատմել Է Softbank-ի գործադիր տնօրեն Մասաեսի Սոնը:- Իսկ մենք մարդկության պատմության մեջ առաջին անգամ ռոբոտին օժտել ենք թե՛ սրտով եւ թե՛ հույզերով»:
Ճապոնիան ռոբոտների՝ աշխարհում խոշորագույն արտադրողներից մեկն Է: Արագ ծերացող բնակչությամբ եւ նվազող ծնելիությամբ այդ շուկան կարող Է Էլ ավելի աճել: «Խելացի ռոբոտները» ոչ միայն կարող են փոխհատուցել աշխատուժի պակասը եւ աշխատավարձի աճող ծախսերը, այլեւ տարեց հարազատների խնմաքի այլընտրական սոցալական աշխատողներ են: