1 րոպեի ընթերցում
ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Մեծ Բրիտանիայի Եղիսաբեթ Բ թագուհու համար նոր շքահանդեսային ծածկակառք ստեղծելիս օգտագործել են Իսահակ Նյուտոնի խնձորենին, տեղեկացնում Է «Արմենպրես»-ը՝ հղում անելով The Guardian-ին:
Նաեւ կառեթն ստեղծելիս եւ հարդարելիս ի թիվս այլ բաների օգտագործել են Հենրիխ VIII-ի «Մերի Ռոուզ» հրամանատարական նավի, Շոտլանդիայի սրբազան մասունքի՝ Սկունսյան քարի, ծովակալ Նելսոնի «Վիկտորյա» ռազմանավի եւ Britania թագավորական զբոսանավի բեկորներ:
Դա երկրորդ շքահանդեսային կառեթն Է, որն ստեղծվել Է հարյուր տարվա ընթացքում: Դրանով թագուհին կգնա Մեծ Բրիտանիայի խորհրդարանի նոր նստաշրջանի բացմանը: Կիրակի օրվանից կառքը կարելի կլինի տեսնել Բուկինհեմյան պալատում:
Նոր շքահանդեսային ծածկակառքն ստեղծվել Է ի պատիվ Եղիսաբեթ Բ-ի ադամանդե հոբելյանի» (գահ բարձրանալու օրվա 60-ամյակի), որը Մեծ Բրիտանիայում եւ Ազգերի համագործակցության պետություններում նշվել Է 2012 թվականի ընթացքում, հաղորդել Է «Ինտերֆաքս»-ը: