1 րոպեի ընթերցում
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: 50 կիլոգրամ քաշով ամերիկուհի Միշել Լեսկոն առաջին տեղն Է զբաղեցրել հոթ-դոգեր ուտելու մրցումներում, որոնք անցկացվել են Չիկագոյի արվարձանում: Այս մասին, ինչպես տեղեկացնում Է «Արմենպրես»-ը, հունիսի 2-ին հաղորդել Է ԻՏԱՌ-ՏԱՍՍ-ը:
Նա խմորով 28 նրբերշիկը կերել Է տասը րոպեում: Նրա գլխավոր մրցակից Էրիկ Բուքերը կերել Է մեկ նրբերշիկով պակաս, թեեւ Լեսկոյից քառապատկ ծանր քաշ ունի: Ընդամենը մրցումներին մասնակցել Է ութ մարդ:
Մրցույթից հետո Լեսկոն խոստովանել Է, որ այժմ ինքը երազում Է «համեղ աղցանի» մասին:
Առայժմ 30-ամյա հաղթողն անցել Է սոսկ ընտրական փուլը: Մրցման եզրափակիչը կկայանա ԱՄՆ-ի Անկախության օրը՝ հուլիսի 4-ին: Գլխավոր հաղթողը կստանա մանանեխի գույնի՝ հաղթողի գոտի, ինչպես նաեւ մի ամբողջ տարվա հոթ-դոգերի պաշար եւ դրամական պարգեւ՝ տասը հազար դոլարի չափով: