2 րոպեի ընթերցում
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Հայաստանի կառավարությունը զբոսաշրջության ոլորտում պետական քաղաքականության նպատակների և համաշխարհային զբոսաշրջային շուկայում մրցունակության բարձրացման միջոցառումների ծրագրի իրականացմամբ նախատեսում է ապահովելՀՀ զբոսաշրջային այցելությունների տարեկան առնվազն 5տոկոսաճ:Այդ մասին նշված է ՀՀ նոր կառավարության 2014-2017 թվականների ծրագրում, որը հավանության արժանացավ գործադիրի` մայիսի 19-ին հրավիրված արտահերթ նիստում:
«Արմենպրես»-ի հաղորդմամբ՝ միջազգային զբոսաշրջային շուկայի համար Հայաստանի հասանելիության բարձրացման նպատակով` նախատեսվում է սահմանային անցման գործընթացի դյուրացում, մասնավորապես, մի շարք գործընկեր երկրներիքաղաքացիների համար առանց վիզայի մուտքի ռեժիմի սահմանման նախաձեռնում, տրանսպորտային մատչելիության բարձրացում, բաց երկնքի քաղաքականության արդյունավետ իրականացում՝ ներգրավելով համաշխարհային ճանաչում ունեցող, ինչես նաև «բյուջետային» ավիափոխադրողների, արդյունքում նաև ավելացնելով ավիացիոն փոխադրումների ուղղություններ:
Նախատեսվում է հիմնել նաև Հայաստանի զբոսաշրջության զարգացման հիմնադրամ (ՀԶԶՀ` Հայկականզբոսաշրջային արդյունքի մարքեթինգի և խթանման մասնագիտացված կառույց):
Միջոցառումներ կիրականացվեն համայնքներում զբոսաշրջության զարգացման, տեղական ավանդույթների վերականգնման, զբոսաշրջային ներուժի բացահայտման, զբոսաշրջային արդյունքի դիվերսիֆիկացման, նոր զբոսաշրջային երթուղիների ձևավորման և միջազգային ու ներքին շուկայում պատշաճ ներկայացման, այդ թվում՝ ավանդական տոնակատարությունների, փառատոների կազմակերպման ուղղությամբ: Իրանի ու Վրաստանի հետ համատեղ կձևավորվի նաև տարածաշրջանային զբոսաշրջային արդյունք, որը կներկայացվի համաշխարհային շուկայում: