Բեյոնսեն կլինի Քիմ Քարդաշյանի հարսանքույրը

ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Աշխարհահռչակ երգչուհի Բեյոնսեն համաձայնել է լինել ամերիկյան ռեալիթի-շոուի աստղ Քիմ Քարդաշյանի հարսնաքույրը: Քարդաշյանի և ռեփեր Քանիե Ուեսթի ամուսնական արարողությունը տեղի է ունենալու Ֆրանսիայում` մայիսի 24-ին: Hollywoodlife.com-ի փոխանցմամբ` Բեյոնսեի ամուսինը` հայտնի ռեփեր Jay Z-ն, համարվում է Ուեսթի մտերիմ ընկերը, սակայն Բեյոնսեի և Քարդաշյանի հարաբերություններն այնքան էլ մտերիմ չեն եղել: Սպասվում է, որ այս քայլով աստղերն իրենց հարաբերությունները կտեղափոխեն մտերիմ հուն:

«Արմենպրես»-ի հաղորդմամբ` լրատվամիջոցներն ավելի վաղ հայտնում էին, թե Բեյոնսեն հրաժարվել է մասնակցել Քարդաշյանի հարսանեկան արարողությանը:

Ամուսնական զույգը պատրաստվում է իրենց ամուսնական արարողությամբ ցնցել հանրությանը` խոստանալով որ այն լինելու է ռոմանտիկ, գեղեցիկ և հիշարժան:

Հայտնի է նաև, որ Քանիե Ուեսթը հրավիրել է Մերի Ջեյ Բլայջին, որպեսզի վերջինս կատարի իր ամենահայտնի «Everything» երգը: