368.54
Երևանում կկայանա ազատությունից զրկելու հետ չկապված պատիժների և պրոբացիայի վերաբերյալ համաժողով
1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Երևանում ապրիլի 10-ին կկայանա ազատությունից զրկելու հետ չկապված պատիժների և պրոբացիայի վերաբերյալ մեկօրյա համաժողով: Ինչպես «Արմենպրես»-ին տեղեկացրին Եվրոպայի խորհրդի երևանյան գրասենյակից, համաժողովի նպատակն է բարձրացնել պետական իշխանության մարմինների և այլ շահառուների իրազեկությունը ազատությունից զրկելու հետ կապված պատիժների համակարգի բարեփոխումների և պրոբացիոն ծառայության ստեղծման գործում առկա միջազգային լավագույն փորձի վերաբերյալ: Համաժողովին կմասնակցեն նաև պրոբացիայի ոլորտում փորձառու միջազգային փորձագետներ, ինչպես նաև՝ միջազգային կազմակերպությունների և քաղաքացիական հասարակության ներկայացուցիչներ:
Համաժողովն անց է կացվում Եվրոպայի խորհրդի կողմից Նորվեգիայի կառավարության ֆինանսավորմամբ Հայաստանում իրականացվող «Ազատությունից զրկելու հետ կապված պատիժների կիրառման նվազեցումը՝ եվրոպական ստանդարտների համաձայն» ծրագրի շրջանակներում:
Բաժանորդագրվեք մեր ալիքին Telegram-ում