Զվարթնոցի տաճարի կրկնօրինակով Անիում կառուցված Գագկաշեն եկեղեցու մասին ֆիլմ է նկարահանվել

ԵՐԵՎԱՆ, 19 ՓԵՏՐՎԱՐԻ, ԱՐՄԵՆՊՐԵՍ: Զվարթնոցի տաճարի կրկնօրինակով Անիում Գագիկ թագավորի կառուցած կառուցված Սուրբ ԳրիգորԼուսավորիչ կամ Գագկաշեն եկեղեցու մասին «Հայկական ճարտարապետություննուսումնասիրող հիմնադրամի» նկարահանած նոր ֆիլմը կներկյացվի հանրության դատին: «Գագկաշեն եկեղեցի» ֆիլմի պրեմիերան տեղի կունենա փետրվարի 20-ին, Հայաստանի ճարտարապետների միության դահլիճում: Փետրվարի 19-ին հրավիրված ասուլիսում հիմնադրամի նախագահ Սամվել Կարապետյանը, ներկայացնելով ֆիլմի ստեղծման գաղափարը, պատմեց, որ Գագկաշենը կառուցվել է Անիի մայրաքաղաքում 1000-1020 թվականների միջակայում:

«Երբ Գագիկ արքան որոշեց համաշխարհային մակարդակով ևս մեկ աստիճան բարձրացնել եկեղեցաշինությունը, կանգ առավ Զվարթնոցի տաճարի հորնիվածքի վրա` ցանկանալով ունենալ տաճարի կրկնօրինակը նաև մայրաքաղաքում»,- «Արմենպրես»-ի փոխանցմամբ` նշեց Կարապետյանը:

Նրա խոսքով` Գագկաշենի ճարտարապետը եկեղեցին կառուցելիս նորամուծություն է կիրառել:«Ճարտարապետն այդ ժամանակ գտնվում էր Պոլսում, և, ներշնչվելով տեղի արտարապետությունից, փորձել էր այս կառույցում կիրառել նոր տարրեր»,- պարզաբանեց ճարտարապետը:

Ի տարբերություն Զվարթնոցի Տաճարի` Գագկաշենն ավելի սլացիկ էր և բարձր, սյուներն էլ նեղ են եղել, ինչն էլ պատճառ է դարձել, որ կառուցման ավարտից կարճ ժամանակ անց ճաքեր հայտնվեն եկեղեցու վրա:

«Անցնում է կես դար, պատերը ճաքեր են տալիս և տաճարիմի մասը փլվում է: Հայտնի է, որ դեռ երբ 1064 թվականին սելջուկ թուրքրերը գրավեցին Անին, եկեղեցու մի մասը դեռ կանգուն էր, սակայն հետագայում ամբողջ տաճարն է փլվում: Շուրջ 900 տարի եկեղեցին փլատակ վիճակում է»,- ասաց բանախոսը:

Ֆիլմի եռաչափ մոդելավորող Պարգև Ֆրանկյանը նշեց, որ թիմի վրա աշխատել է մեծ բերկրանքով:«Ֆիլմ նկարահանելու ընթացքում մենք անընդհատ նյութեր էինք ուսումնասիրում, զուգահեռներ տանում Զվարթնոցի և Գագկաշենի միջև: Ամբողջ ստեղծագործական գործընթացը շատ հետաքրքիր էր»,- նշեց Ֆրանկյանը:

Ֆիլմի ռեժիսոր Տիրան Կարապետյանն էլ նշեց, որ ֆիլմը նկարահանվել է մոտ մեկ ամիս և տասն օրվա ընթացքում, չնայած հիմնադրամը նյութերի հավաքման գործընթացը սկսել է դեռևս 2004 թվականից:

Բանախոսների գնահատմամբ` «Գագկաշեն եկեղեցի» ֆիլմը կառանձնանա նաև երաժշտական առումով: Հատուկ ֆիլմի համար գրվել է երաժշտություն:

Պատասխանելով այն հարցին, թե կցուցադրվի արդյոք ֆիլմը հեռուստատեսությամբ` Սամվել Կարապետյանը նշեց, որ նախորդ ֆիլմերի օրինակը ցույց է տալիս, որ հեռուստաընկերությունները շահագրգված չեն ցուցադրել պատմամշակութային թեմատիկա ունեցող ֆիլմեր: Փոխարենը` «Հայկական ճարտարապետություննուսումնասիրող հիմնադրամի» նկարահանած ֆիլմերը ցուցուցադրվում են Հայաստանի զորամասերում, տարբեր ակումբներում, երիտասարդական միություններում, բուհերում:

«Հայկական ճարտարապետություննուսումնասիրող հիմնադրամը» ֆիլմեր է նկահարանում 2006 թվականից: Հիմնադրամի նկարահանած ֆիլմերում անդրադարձ է կատարվում հայրենիքին, հայկական մշակույթին և հայրենանվեր անհատներին: