Նյու Յորքում բացվում Է շների՝ ԱՄՆ-ում ամենահեղինակավոր Westminster Kennel Club Dog Show ցուցահանդեսը
2 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Նյու Յորքում բացվում Է շների՝ ԱՄՆ-ում ամենահեղինակավոր Westminster Kennel Club Dog Show ցուցահանդեսը: Այս տարի մրցույթին, որն արդեն 138-րդ անգամ կանցկացվի ԱՄՆ-ի խոշորագույն քաղաքում, կմասնակցեն գրեթե 3 հազար շներ՝ երկրի բոլոր մասերից եւ արտասահմանից, տեղեկացնում Է «Արմենպրես»-ը՝ հղում անելով ԻՏԱՌ-ՏԱՍՍ-ին:
«Այս տարվա մրցումներն ամենաներկայացուցչականը կլինեն պատմության մեջ: Մեզ մոտ շներ կժամանեն բոլոր 50 նահանգներից, ամենից շատ՝ Նյու Յորքից եւ Կալիֆոռնիայից: Բացի այդ, մենք սպասում ենք այլ երկրների, մասնավորապես, Ֆինլանդիայի, Սլովենիայի, Ճապոնիայի, Թաիլանդի, ավելի քան 120 մասնակիցների»,-հայտնել են մրցույթի կազմակերպիչները:
Ցուցահանդեսին կմասնակցեն 190 ցեղատեսակների ներկայացուցիչներ՝ երեք անգամ ավելի շատ, քան անցյալ տարի:
Westminster Kennel Club Dog Show-ն ամեն տարի Նյու Յորքում անցկացվում Է 1877 թվականից՝եւ ԱՄՆ-ի սպորտային հնագույն միջոցառումն Է նշանավոր Kentucky Derby ձիարշավներից հետո: Սկզբնապես ցուցահանդեսում գնահատում Էին միայն որսորդական շներին՝ սեթերներին եւ պոյնտերներին, սակայն տարեցտարի մրցող ցեղատեսակների թիվն ավելանում Է:
ԱՄՆ-ի կինոլոգիական ակումբի տվյալների համաձայն՝ ԱՄՆ-ում արդեն 23 տարի անընդմեջ շների ամենատարածված ցեղատեսակ են մնում լաբրադորները: Սակայն շոուի անցկացման ողջ պատմության ընթացքում ոչ մի լամբրադոր ոչ մի անգամ դրա հաղթող չի դարձել: Ամենից հաճախ հաղթահերոսներ են դառնում թերյերները: Նրանց տարբեր տեսակներ հաղթողներ են դարձել ընդհանուր առմամբ 45 անգամ: