Սոչիում բարենպաստ եղանակ Է սպասվում օլիմպիադայի առաջին շաբաթվա ընթացքում

ԵՐԵՎԱՆ, 4 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի հիդրոօդերեւույթաբանական ծառայության ՝»Հիդրոմետցենտրի» տնօրեն Ռոման Վիլֆանդը տեղեկացրել Է, որ փետրվարի 7-23-ը Սոչիում կայանալիք ձմեռային օլիմպիական խաղերի առաջին 7 օրը եղանակը շատ բարենպաստ Է լինելու մրցումների անցկացման համար:

Ինչպես տեղեկացնում Է «Արմենպրես»-ը` վկայակոչելով gazeta.ru կայքը, Վիլֆանդը նշել Է, որ մրցումների առաջին օրը Սոչիում ջերմաստիճանը կլինի 0-ին մոտ:

Նա ասել Է նաեւ, որ Սոչիում բավական ձյուն Է եկել, ինչպես նաեւ արհեստական ձյան պաշարներ կան, այնպես որ, նշված ժամանակաշրջանում եղանակը նպաստավոր է լինելու օլիմպիական խաղերի մասնակիցների համար: