Սևան-Դիլիջան թունելի մոտ «Ֆորդ տրանզիտ»-ը դուրս է եկել երթևեկելի հատվածից և 7 մետր ներքև գլորվել
1 րոպեի ընթերցում
![Սևան-Դիլիջան թունելի մոտ «Ֆորդ տրանզիտ»-ը դուրս է եկել երթևեկելի հատվածից և 7 մետր ներքև գլորվել](http://armenpress.am/resized/480/static/news/b/2014/01/746070.jpg)
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Սևան-Դիլիջան ավտոճանապարհին` թունելի մոտ, հունվարի 14-ին` ժամը 00.35-ին, տեղի է ունեցել ՃՏՊ: Ինչպես «Արմենպրես»-ին տեղեկացրին ՀՀ արտակարգ իրավիճակներ նախարարությունից, դեպքի վայր է մեկնել մեկ մարտական հաշվարկ: Պարզվել է, որ դեռևս չբացահայտված հանգամանքներում «Ֆորդ տրանզիտ» մակնիշի У095ЕТ56 պետհամարանիշի ավտոմեքենան դուրս է եկել ճանապարհի երթևեկելի հատվածից և մոտ 7 մետր ներքև գլորվելով` բախվել ծառերին: Մինչ հրշեջ-փրկարարների կանչի վայր հասնելը տարբեր մարմնական վնասվածքներով Դիլիջան քաղաքի ԲԿ է տեղափոխվել 1990թ. ծնված Ս. Գ.-ն, ում առողջական վիճակը բժիշկները գնահատել են բավարար: