1 րոպեի ընթերցում
ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Ֆրենսիս Բեկոնի «Լյուսիեն Ֆրոյդի դիմանկարի երեք ուրվանկար» եռածալ նկարը նոյեմբերի 12-ին Christie's աճուրդային տան Նյու Յորքի աճուրդում վաճառվել Է 142,4 միլիոն դոլար ռեկորդային գումարով, հաղորդում «Արմենպրես»-ը՝ հղում անելով Christie's-ի կայքին:
Աճուրդն, ինչպես գրել Է Agence France-Presse-ը, շարունակվել Է ընդամենը 6 րոպե: Բեկոնի եռածալ նկարի գնորդի անունը չի հայտնվում:
Բեկոնի նկարը դարձել Է արվեստի ամենաթանկ ստեղծագործությունը, որը երբեւԷ վաճառվել Է աճուրդում: Նախորդ ռեկորդը պատկանում Էր նորվեգացի նկարիչ Էդվարդ Մունկի «Ճիչ» շարքի նկարներից մեկին, որը 2012 թվականի մայիսին 119,9 միլիոն դոլարով վաճառվել Էր Sotheby's-ի աճուրդում:
Մինչեւ աճուրդի սկսվելը նկարը հույս ունեին վաճառել 85 միլիոն դոլարով: Կտավը Բեկոնը վրձնել Է 1969 թվականին: Այնտեղ պատկերված Է բրիտանացի նկարիչ Լյուսիեն Ֆրոյդը, որը գրեթե 30 տարի եղել Է Բեկոնի մտերիմ ընկերը: