Հայկոն ներկայացրեց «Ես քեզ սիրահարվել եմ» երգի տեսահոլովակը

ԵՐԵՎԱՆ, 16 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ վաստակավոր արտիստ Հայկոն(Հայկ Հակոբյան)հոկտեմբերի 16-ին հանրությանը ներկայացրեց իր նոր` «Ես քեզ սիրահարվել եմ» երգի տեսահոլովակը: Տեսահոլովակի ռեժիսորն է Լուսինե Մարտիրոսյանը: Առաջիկայում երգիչը պատրաստվում է թողարկել նաև «Ես քեզ սիրահարվել եմ» խորագրով ձայնասկավառակ:

Ավելի վաղ «Արմենպրես»-ի թղթակցի հետ զրույցում երգիչը նշել էր, որ երգն իր նվերն էր Կանանց միջազգային օրվա կապակցությամբ:

Երգի երաժշտության հեղինակը ինքը Հայկոն է, խոսքերինը`Ավետ Բարսեղյանը:

Հայկոն ներկայացրել է Հայաստանը Հելսինկիում կայացած «Եվրատեսիլ 2007» միջազգային հեռուստատեսային մրցույթում` զբաղեցնելով 8-րդ տեղը:

Հայկոն հեղինակել է մի շարք ֆիլմերի այցեքարտը դարձած soundtrack-ներ` «Մի վախեցիր», «Ոչինչ չի մնա», «Սպանված աղավնի», «Խաչագողի հիշատակարան», «Հոբելյանական հաճախորդ», «Գարեգին Նժդեհ» ֆիլմերի համար: