1 րոպեի ընթերցում
ԱՐՄԱՎԻՐ, 8 ՀՈԿՏԵՄԲԵՐԻ, ԱՐՄԵՆՊՐԵՍ:Ամերիկահայ բարերար Էլվիս Մադաթյանը հոկտեմբերի 8-ինօգնություն է տրամադրել Գյումրու հոգեկան առողջության կենտրոնին, իսկ հոկտեմբերի 9-ին «Շիրակ» կենտրոնի աշխատակիցներն օգնություն տրամադրելու նպատակով այցելել են Գյումրու ծերերի տուն-ինտերնատ և Գյումրու նորաբաց բժշկական կենտրոն: Ինչպես «Արմենպրես»-ին տեղեկացրին «Շիրակ» կենտրոնից, այս անգամ ամերիկահայ բարերարը մեծաքանակ բժշկական խալաթներ, անկողնային պարագաներ, հագուստներ և կոշիկներ է ուղարկել:
Ամերիկահայ բարերար Էլվիս Մադաթյանը երկրորդ տարին անընդմեջ օգնություն է տրամադրում Գյումրու ոչ միայն տնակային ավաններում բնակվող անօթևան ու սոցիալապես ծանր պայմաններում ապրող ընտանիքներին, այլ նաև մի շարք առողջապահական հիմնարկություններին ու Գյումրու տուն-ինտերնատին: