3 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանը «Մանկական Եվրատեսիլ 2011»-ում ներկայացրած երգչուհի Դալիթան հանրության դատին է ներկայացրել իր նոր` «Մի նոր տոն» երգը: «Արմենպրես»-ի թղթակցի հետ զրույցում երգչուհին նշեց, որ տեսահոլովակը եւ երգի անվանումը ներկայացնելն իր համար խորհրդաշնական է, քանի որ նա դա անում է իր ծննդյան 14-ամյակին ընդառաջ:
«Ես միշտք շարունակում եմ համագործակցությունը իմ երգերի հեղինակների հետ: Իմ առաջին համագործակցությունը Րաֆֆի Ալթունյանի հետ եղել է «Դու չկաս» երգի շուրջ, որը շատ լավ ընդունվեց հանրության կողմից եւ հիթ դարձավ: Հույս ունեմ, որ այս երգն էլ դուր կգա շատերին, եւ տոներին, հավաքույթներին կուրախանան եւ կպարեն այս երգի նվագակցութամբ»,- ասաց Դալիթան: Նրա խոսքով` առաջիկայում ծրագրում է ներկայացնել նաեւ նոր երգեր եւ նախագծեր:
Դալիթան ծնվել է 1999թ. սեպտեմբերի 19-ին, Թեհրանում: 2001 թվականին տեղափոխվել է Երեւան: 2006թ-ից սովորում է Երևանի Սպենդիարյանի անվան թիվ 1 երաժշտական դպրոցի դաշնամուրի, վոկալի եւ կիթառի բաժիններում:
Ունի 8 հեղինակային երգեր և տեսահոլովակներ, որնք ընդգրկվել են տարբեր երաժշտական հավաքածուներում CD, DVD տարբերակներով:
Վարել է «Հայկական Երկրորդ» հեռուստաալիքի «Բարի լույս Հայաստան» ծրագրի «Մանկական լուրերը»:
Եղել է «Կենտրոն» և «ATV» հեռուստաալիքներով հեռարձակվող «Բումբումիկ Շոու»-ի թղթակից:
2010թ. մասնակցել է «Շանթ» հեռուստաալիքի «Թաքնված տաղանդ» նախագծին՝ ներկայացնելով իր արվեստը և անցել է կիսաեզրափակիչ փուլ և մասնակցել Գալա համերգին:
Նկարահանվել է «Շանթ» հեռուստաալիքով հեռարձակվող մանկական երալաշ՝ «Շիլաշփոթ» հաղորդման բազմաթիվ դրվագներում:
Ավարտելէ Արտաշես Ալեքսանյանի թատերական ստուդիան և մասնակցելէ «Հայերի դատը մարդկության դատն է» ներկայացմանը, որտեղդերասանական կազմում`հանրահայտ դերասանների մասնակցությամբ եղելէ ամենաերիտասարդ դերակատարը (մարմնավորելով «ջուր ծախող» տղայի կերպար):Նկարահանվելէ «Արմենիա» հեռուստաալիքով հեռարձակվող «Չարլի Շոու»-ում՝ մարմնավորելով Չարլիտայի կերպարը:
«Ես – Yes» երիտասարդական ամսագրում ունեցելէ իր էջը «Դալիթա և ընկերներ» խորագրով:Նկարահանվելէնաև«Արմենիա» հեռուստաալիքով հեռարձակվող «Կարգին սերիալ» - ում:Հյուրընկալվել է տարբեր հեռուստա- և ռադիոընկերությունների կողմից: Բազմաթիվ մրցույթների եւ փառատոնների դափնեկիր է: