Հարավկորեացի ջութակահարուհուն վերադարձվել է կորցրած Ստրադիվարիուս ջութակը

ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Լոնդոնի ոստիկանությանը հաջողվել է գտնել երեք տարի առաջ կորած 300-ամյա վաղեմություն ունեցող Ստրադիվարիուս ջութակը, որն արժե մոտ 2 միլիոն դոլար: Ինչպես հաղորդում է «Արմենպրես»-ը` վկայակոչելով ԻՌԱՌ-ՏԱՍՍ-ը, հանրահայտ հարավկորեացի ջութակահարուհի Մին Չին Կիմը թողել էր ջութակի պատյանը Լոնդոնի Յուսթոն կայարանում եւ գնացել կայարանամերձ սրճարան, երբ եզակի երաժտական գործիքն գողացել էին:

Երաժշտական թանքարժեք գործիքն անհետացել էր 2010 թվականի նոյեմբերին: Այն գտել են կենտրոնական Անգլիայի բնակավարյրերից մեկում: Գործիքի գողության դեպքի հետ կապված ձերբակալվել են մի 32-ամյա տղամարդ և երկու դեռահասներ: