Լոս Անջելեսում ստեղծված հեղինակային երգի «Տաշեղ» հայկական խումբը համերգ կտա Երեւանում

ԵՐԵՎԱՆ, 17 ՀՈՒԼԻՍԻ, ԱՐՄԵՆՊՐԵՍ: Լոս Անջելեսում ստեղծված հեղինակային երգի եւ գլոբալ ֆոլկլորի միասնություն «Տաշեղ» (A Splinter) խումբը Երեւանում հուլիսի 21-ին հանդես կգա համեգով Կոմիտասի անվան կամերային երաժշտության տանը: Ինչպես հաղոդում է «Արմենպրես»-ը` վկայակոչելով խմբի ֆեյսբուքյան էջը, խումբը հայ հանդիսատեսին կներկայա իր երկլեզու` հայերեն եւ անգլերեն երգացանկով։«Տաշեղ»-ի երգերը հիմնված են իրական դեպքերի վրա՝ ընդգրկելով զանազան թեմաներ՝ սիրուց մինչեւ պատերազմ։ Դրանք գրված են որպես պատմություններ, որոնք, պոկվելով հասարակական նորմերից, տաշեղի պես սավառնում են կամ ներխուժում մաշկի տակ՝ ստիպելով հաշվի նստել հաճախ արհամարհված երեւույթների հետ, միաժամանակ հումորով նայելով ամենադաժան իրողություններին։

Խմբի անդամների թվում են կիթառահար Վարդան Գասպարյանը, հարվածային գործիքներ` Էդուարդ Հարությունյանը եւ կոնտրաբաս Նիկողայոս Վարդանյանը:Խմբի հիմնադիրն ու գեղարվեստական ղեկավարն է վոկալիստ եւ կիթառահար ամերիկաբնակ Աշոտ Թադեւոսյանը:«Տաշեղ» խումբը Երեւանում 2011 թվականին հանդես էր եկել համերգով: