1 րոպեի ընթերցում
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ:Եվրոպական «Երազանքների ինքնաթիռ» А350-ն առաջին անգամ օդ է բարձրացել: Մասնագետները վստահ են, որ առաջիկա տասնամյակում նման փորձ այլեւս չի լինի: Ինչպես հաղորդում է «Արմենպրես»-ը` վկայակոչելով գերմանական Deutsche Welle-ն, Airbus ընկերությունն ավարտել է նոր սերնդի ինքնաթիռի ստեղծման աշխատանքները` այդպիսով վճռորոշ մարտահրավեր նետելով Boeing-ին:
Եվրոպական EADS կոնցեռնը հունիսի 14-ին առաջին անգամ օդ է բարձրացրել ինքնաթիռ, որին վիճակված է խաղալ լրջագույն դեր քաղաքացիական ինքնաթիռաշինության համաշխարհային մրցապայքարում: Ատլանտյան օվկիանոսի վրայով կատարելով իր առաջին փորձնական թռիչքը` А350-ը, որի ստեղծումն արժեցել է ավելի քան 10 մլրդ եվրո, բազմաթիվ քաղաքացիների ծափահարության ուղեկցությամբ վայրէջք է կատարել Airbus-ի գլխամասային գրասենյակի մոտ` ֆրանսիական Տուլուզա քաղաքում: