1 րոպեի ընթերցում
ՄՈՍԿՎԱ, 28 ՓԵՏՐՎԱՐԻ, ԱՐՄԵՆՊՐԵՍ: Ռուսաստանը «ամենալուրջ կերպով է մոտենում իրանական միջուկային ծրագրի շուրջ ստեղծված իրադրությանըե: Այդ մասին Մոսկվայում լրագրողներին հայտարարել է ՌԴ-ի արտաքին գործերի նախարար Սերգեյ Լավրովը: «Մենք չենք ցանկանում չտարածման ռեժիմի խախտում թույլ տալ, չենք ցանկանում, որ ՄԱԳԱՏԷ-ի գործունեությունը դժվարությունների բախվի,-նշել է նախարարը:-Եվ տվյալ դեպքում ՄԱԳԱՏԷ-ն ձգտում է իրանական միջուկային ծրագրի հետ կապված մի ամբողջ շարք հարցեր պարզել, որոնց պատասխաններն առայժմ չկանե: Ռուսաստանն անընդունելի է համարում Իրանի դեմ ուժի կիրառումը, ասել է Լավրովը՝ պատասխանելով Իրանի դեմ ուժ կիրառելու հնարավորության վերաբերյալ ԱՄՆ- ի վարչակազմի առանձին ներկայացուցիչների հայտարարությունների նկատմամբ վերաբերմունքի մասին հարցին: «Ռուսաստանը այն երկիրը չէ, որը մտածում է ուժ կիրառելու մասին, մենք հնարավոր ամեն ինչ անում ենք, որպեսզի այդ հիմնախնդիրը լուծենք դիվանագիտական մեթոդներովե,-հավելել է Լավրովը: