Ըստ Սերգեյ Լավրովի՝ ղարաբաղյան հակամարտության կարգավորման միջազգային միջնորդները կկարողանան կողմերի համար ընդունելի լուծում գտնել
1 րոպեի ընթերցում
ԲԵՌԼԻՆ, 22 ՓԵՏՐՎԱՐԻ, ԱՐՄԵՆՊՐԵՍ: Ռուսաստանի արտաքին գործերի նախարար Սերգեյ Լավրովը կարծիք է հայտնել, որ ղարաբաղյան հակամարտության կարգավորման միջազգային միջնորդները կարող են Հայաստանին եւ Ադրբեջանին օգնել գտնելու այնպիսի լուծում, որն ընդունելի կլինի երկու կողմերի համար: «Կողմերի հետ մշտապես աշխատող երեք միջնորդների դերն այստեղ այն է, որ Բաքվին եւ Երեւանին օգնեն հասնելու այնպիսի համաձայնության, որը աջակցություն կվայելի թե Հայաստանում, թե Ադրբեջանումե,-ասել է ՌԴ-ի արտգործնախարարը Գերմանիայի իր պաշտոնակից üրանկ Վալտեր Շտայնմայերի հետ բանակցությունների արդյունքներին նվիրված մամուլի ասուլիսում: Ըստ Լավրովի՝ «նման համաձայնության հասնելու հնարավորություններ կանե: «Մենք ակնկալում ենք, որ, պահպանելով այդ աշխատանքի նուրբ բնույթը, խնամքով վերաբերվելով բոլոր ասպեկտներին, իսկ դրանք դյուրին չեն, մենք կկարողանանք կողմերին հասցնել նրանցից յուրաքանչյուրի համար հարմար լուծմանե,- ասել է Լավրովը: